Kurvidsa Lembit
Kurvidsa Lembit (Lembit Kurvits, sündünüq 15. lehekuu pääväl 1954 Mamastõn, koolnuq 20. radokuu pääväl 2017 Keilän) oll' kiränik ja luulõtaja.
Elokäük[toimõndaq | toimõndaq lätteteksti]
Kurvidsa Lembit sündü 15. lehekuu pääväl 1954 koloosnige perren Põlva küle all Mamastõn. Tä opõ 1961–65 Mamastõ algkoolin, 1965–1967 Põlva keskkoolin. Ku Lembit oll' 13 aastakka vana, panniq vanõmbaq tää Pärnohe latsikotto. Pärnon käve Kurvits 1967–1970 Pärno V algkoolin ja 1975–1978 Põlva kaugoppõkeskkoolin. Üte aasta opõ tää viil Pedan kultuurharidust.
1970–1972 tüüt' Kurvits Põlva piimäkombinaadin ja linavabrikun, kon tä oll' laat'ja ni eelektrik, päält sõaväke Taivaskua raamadukogon. 1978–1980 oll' LK Põltsamaa kutsõkooli juhataja Väike-Kamarin, 1979 Nõo keskooli laborant, 1981 etnograafijamuuseumi tiidrü.
Säitsmekümnendist kirot' Kurvits luulõtuisi ja lühembit juttõ, ildampa ka kirändüskriitikat. Ütsäkümnendil visas' tä hulka käsikirju ahjo. Võrokeelitsit värsse olõ-õiq sääl pall'o, kokõn “Armastuseta”, “Meie ühine vend armastus” ja “Matle laul”, egän üten üts. Jutukuun “Vanad Soome saapad”, kon om kirän Võromaa maastikkõ, tulõ tegeläisi suust ka võrokeelitsit sõnno vai lausitki.
Tä oll' kolm kõrd abielon ja täl om kolm last[1].
Elo viimädse aasta oll' Keilä hoolõmajan, kon tä 20. radokuu pääväl 2017 kuuli[2]. Kurvidsa Lembidü tuhamatminõ om Lättemäe Eha kõrval Tal'na Metsakalmistul[3].
Raamaduq[toimõndaq | toimõndaq lätteteksti]
- "Väike-Kamari õhtud" (kolm luulõtsüklit). Tallinn, Eesti Raamat 1981
- "Tühermaa" (luulõtusõq), Tallinn, Eesti Raamat 1986
- "Armastuseta" (luulõtusõq). Tallinn, Eesti Raamat 1990
- "Meie ühine vend armastus" (luulõtusõq; pildiq tekk' Ilmar Kruusamäe). Tartu, Koda 1991; ISBN 5899052325
- "Taevaskojalapsed" (jutuq latsilõ; pildiq tekk' Ülle Meister). Tallinn, Tiritamm, 1993; ISBN 5450009149
- "Matle laul: pühendatud tütrele" (luulõtusõq; pildiq tekk' Ilmar Kruusamäe). Tartu, Elmatar, 1994; ISBN 9985832019
- "Vanad soome saapad. Jutte ja novelle 1976–1993". Tartu, Elmatar 1997; ISBN 9985832019
- "Kakskümmend viis luuletust" (päält luulõtuisi ka ülestunnistus "1993–2000"; peräsõna: Priidu Beier). Tallinn, Huma 2001; ISBN 9985898451
- "Tõrvalill. Luulet ja mõtteid" (valikkogo). Tallinn, Eesti Raamat 2003; ISBN 998565403X
Luulõtusõq jutukokõn[toimõndaq | toimõndaq lätteteksti]
- "Sa ootad last..." "Kätkilaul." "Rõõmus laul." "Mängulaul." (Luuletused.) Raamatus: "Ema mu ema" (Luulõtuisi imäst ja latsõst imäle ja latsõlõ). Tallinn, Varrak, 2002, lk 34, 97, 123, 214
- Ütskõrd minevaasta", "Esä käe" (Luulõtusõq.) Raamatus: "Ime kütken tähe poole kist." Eesti murdeluule antoloogia. Viljandi (koostanud Siim Kärner, 2002, lk 283–285
Luulõtusõq aokirän[toimõndaq | toimõndaq lätteteksti]
- "Matle-Katle unelaul." "Väike Matle." "Rõõmus laul." "Isakodus." (Luulõtusõq). – Pere ja Kodu, 1994, nr 2, lk 37
Esseeq[toimõndaq | toimõndaq lätteteksti]
- "Loojangute kaunis maa. Essee Oskar Lutsust, Eesti Charlie Chaplinist" – Postimees 1. 1. 1993, nr 1, lk 6
- "Elu nagu vesi, vajub liiva. Essee Mats Traadist" – Postimees 16. 2. 1993, lk 9
- "Lihtsate sõnade soojus. Essee eesti keelest" – Postimees 29. 3. 1993, nr 73, lk 7
- "Alatskivi vallavaene. Juhan Liiv 130” – Postimees 18. 4. 1994, lk 14
Kultuurin[toimõndaq | toimõndaq lätteteksti]
Timä 60. sünnüpääväst tekk' Laiapea Vahur dokumentaalfilmi "Kurvits Lootuse tänavalt".
Kurvidsa Lembidü tuumisõst tagasi kultuuritiidvüste om Laiapea Vahuri ja Sauteri Piitre 2023. aastaga raamat "Kurvitsa vabastamine. Tekste ja kirju", mink autoris om märgit ka kaonuq Kurvits esiq.
Välälingiq[toimõndaq | toimõndaq lätteteksti]
Võro kirändüse kodoleht: Lembit Kurvits
Võromaa Keskraamadukogo: Lembit Kurvits
Lätteq[toimõndaq | toimõndaq lätteteksti]
- ↑ Hansoni Raimu: Tõsinõ luulõtaja naard' kats kõrda. Postimiis, 16. süküskuu päiv 2014. Pruugit 17. lehekuu pääväl 2024. (eesti keelen)
- ↑ Hansoni Raimu: Kiräniguq matvaq Kurvidsa Lembidü urni Tal'na Matsakalmistul. Tarto Postimiis 9. urbõkuu päiv 2017. Pruugit 17. lehekuu pääväl 2024. (eesti keelen)
- ↑ Hansoni Raimu: Kurvidsa Lembit löüd' vimädse puhkamisõ kotusõ tõõsõ ütsildäse luulõtaja kõrval. Tarto Postimiis 14. urbõkuu pääväl 2017. Pruugit 17. lehekuu pääväl 2024. (eesti keelen)